Jaku Iban Sekula Primari

[[Announcements] [Introduce Yourself] [ICT] [Prasekolah] [LINUS] [KSSR] [UPSR] [PMR] [SPM] [STPM] [School] [Classroom] [Clubs & Uniformed Bodies] [JPN] [SPA] [SICT] [SPP] [SPS] [SPPK] [SPSPK] [SPI] [SPsK] [JNJK] [PPD] [Program] [Computer & Internet] [Let's Hear It From You] [Membergroup]]

[Announcements] [Introduce Yourself] [ICT] [Prasekolah] [LINUS] [KSSR] [UPSR] [PMR] [SPM] [STPM] [School] [Classroom] [Clubs & Uniformed Bodies] [JPN] [SPA] [SICT] [SPP] [SPS] [SPPK] [SPSPK] [SPI] [SPsK] [JNJK] [PPD] [Program] [Computer & Internet] [Let's Hear It From You] [Membergroup]

[Timothy Salang ak James Anin]

Chukup pengaga ati meda post/thread tu dibuka ke bala pengajar ke mekuhka subjek tu ba sekula primari. Aku arap bendar ari tu mayuh pekara ulih dipejuraika kitai kelebih sida ke ba sekula primari ngambika tau sereta ulih dipekunsika enggau bala mayuh. Siti agi kebuah iya laban ngambika bisi sukung dikena nyempulang nembiak kitai napi subjek tu ba maya sida ngindikka kaki sida ba sekula sekondari ila.
Tabi puji ngagai semua lalu meri terima kasih ngagai raban portal ke udah kiruh bejadika thread tu.

[Changgai Anak Beti]

Nama bagi utai ti tau dipos kitai ditu dih? Minta bala numbuhka dulu mih.

[Geoffrey Singgon]

Keterubah aku meri tabi puji ngagai unggal Richard laban deka kiruh ngenataika peminta kitai sebuat senentang thread Bahasa Iban UPSR.
Kedua, aku meri terima kasih ngagai raban portal laban ngemendarka utai tu nyadi.

Aku bela ngarapka pengajar Bahasa Iban sekula primari ulih ngena peluang tu bekunsika penemu p enggau p Bahasa Iban sekula primari enggau pangan diri.

Terima kasih.

[Charles Bayang Albert Nyawin]

Terima kasih pengajar Tim laban udah muka thread tuk,bagi aku manah amai meh thread tuk dipejuraika,kebuah pia laban aku empu gak bisi ngajar bahasa iban,...nyadi,utai ti dipeda aku diatu pasal jaku iban ba sekula primari..ianya senentang pasal chunto buku kerja jaku iban baka subjek bukai,bendar amai aku ngiga ba kedai,tang pedih amat ka bulih,utai tuk sigi dah jadi penanggul aku ari suba,udah bisi aku muka thread minta sapa2 bisi chunto kertas peresa sekula primari,tang nadai reply....tang utai ti di peda aku manyuh agi chunto kertas peresa bagi sekula sekondari,mimit amai enti sekula primari ,..tusah amai kami pengajar ditu ka ngajar jaku iban..nadai manyuh perengka kena ngajar,ujung-ujung alu ngena bup teks ajak..bagi aku ,enti ulih sapa2 kitai bisi kaul enggau orang atas din,engka tau dipadah utai tuk..kebuah pia..laban belajar jaku iban ba sekula primari sepi aku sama penting enti ba sekula sekondari...arap bala bukai ulih meri chunto kertas peresa jaku iban enti bisi,..minta tulung..kena nulung anak kitai...

Siti gik utai ti deka di pejuraika ku..nama kebuah nadai semua jaku iban di ajar ba sekula primari taja pin sekula nya sekula ulu..aku meri chunto..sekula ba ulu tatau..suba bisi ,tang diatu nadai agik,nama kebuah,bisi ku nanya pengajar dia suba,sida madah pin ndak nemu....nyadi,....nama kriteria ti dipeda KPM kitai lebuh nentuka siti2 sekulanya tau belajar jaku iban tauka enda?.

Nyadi,nya ajak utai ti deka di padah ka ku,engka tau bala bukai bekongsi ke penemu pasal thread tuk..

Terima kasih.

[Timothy Salang ak James Anin]

Arapka bala tau bekunsika kereban ke dikena belajar tauka peresa enggau bala ditu kelebih agi sida keba sekula primari.

Jaku Iban tu ulih diajar ba sekula enti nyema bisi 15 iku nembiak Iban ke deka ngambi iya lalu bisi mega pengajar ke ulih/deka ngajar. Nya kriteria ke pemadu baruh diteu aku. Enti nyema bisi, tau anjung peminta ngagai KPM nengah sekula tauka ari PIBG.

[Geoffrey Singgon]

nyadi,utai ti dipeda aku diatu pasal jaku iban ba sekula primari..ianya senentang pasal chunto buku kerja jaku iban baka subjek bukai,bendar amai aku ngiga ba kedai,tang pedih amat ka bulih,utai tuk sigi dah jadi penanggul aku ari suba,udah bisi aku muka thread minta sapa2 bisi chunto kertas peresa sekula primari,tang nadai reply...
...nadai manyuh perengka kena ngajar,ujung-ujung alu ngena bup teks ajak..bagi aku ,enti ulih sapa2 kitai bisi kaul enggau orang atas din,engka tau dipadah utai tuk..kebuah pia..laban belajar jaku iban ba sekula primari sepi aku sama penting enti ba sekula sekondari...arap bala bukai ulih meri chunto kertas peresa jaku iban enti bisi,..minta tulung..kena nulung anak kitai...

Siti gik utai ti deka di pejuraika ku..nama kebuah nadai semua jaku iban di ajar ba sekula primari taja pin sekula nya sekula ulu..
....nyadi,....nama kriteria ti dipeda KPM kitai lebuh nentuka siti2 sekulanya tau belajar jaku iban tauka enda?.

Terima kasih.

Terima kasih pengajar laban nuan udah nyadi siku ari pengajar ke deka kiruh bekunsi penemu ditu. Nyadi aku nguji meri penemu senentang tanya nuan di atas.

1. Bup kereja endang nadai agi dijual ba kedai. Bisi suba pengajar nya ngeluar bup kereja tang penyampau iya enda mayuh. Bup nya nadai ngerembai laban bisi penanggul ke pelaba aku enda manah disebut ditu. Taja pia kebuah ke bendar nadai orang nulis bup kereja engka laban nadai nemu jalai sereta nadai peneleba, kelimpah ari nya laban nadai tentu mai penguntung ti mayuh ngagai penulis.

2. Bup teks endang kereban ke pengabis beguna dikena ngajar. Juta ringgit udah dipelanja kena ngasilka bup teks. Suah amat pengajar enggai ngena bup teks laban nadai mayuh latih peresa baka bup kereja. Nya penemu ke salah amat.

3. Sekeda sekula di menua ulu tutup nitihka pansik laban nadai pengajar sanggup ngajar. Nama subjek nya udah tutup pedis amat deka muka nya baru. Nya alai aku suah amat madah ngagai bala pengajar maya ceramah/kus subjek tu sama baka subjek bukai-enda tau dilengka ditempaya pia aja. nembiak mih orang ke pengabis rugi laban nadai diberi peluang belajar.

4. Kriteria muka kelas Bahasa Iban - bisi peminta ari apai indai nembiak sereta bisi pengajar sanggup ngajar. Di sekula sekondari subjek tu diajar ba luar sidang; tu ke ngasuh sekeda pengajar enda sanggup nyatup tu.

Aku arap enggau penemu aku tu bala pengajar ba sekula primari bisi tebuka runding sereta tekuing ati deka ngajar subjek tu.

[Charles Bayang Albert Nyawin]

Terima kasih pengajar Geoffrey,manah enggau terang penemu nuan pasal jaku iban tadi,..harap ka dah tuk,sapa-sapa bisi chunto jaku iban tau kongsi ditu..sigi amat nya cikgu,aku enti ngajar ndak gak bepanggai ba bup teks ajak,...nyadi udah ke nyau puas ka begiga ka perengka jaku iban tang nadai gak temu,dia aku ngambi inisiatif kediri ngiga bahan ke diri empu kena ngajar, ngaga ke diri empu utai kena ngajar..diambi ari manyuh sumber .

Harap ka bala ulih bekungsi penemu pasal post tuk.

[Timothy Salang ak James Anin]

Sepengudah tu ila pengajar, kereban enggi nuan dipekunsika enggau orang bukai ngambika sida mega bekunsika enggi sida enggau nuan. Tu ngasuh nya nyadi mayuh agi.

Terima kasih

[Charles Bayang Albert Nyawin]

tuk sekeda utai engka ulih dikungsi bala manyuh..enti dah bisi,ndak gak ngacau.

[Charles Bayang Albert Nyawin]

tuk sekeda utai engka ulih dikungsi bala manyuh..enti dah bisi,ndak gak ngacau.

udah tukar ku baru enggau siti tuk..arap ulih dikungsi semua pengajar..arap amai dah tuk enti bisi kereban bukai ari bala pengajar,arap ulih meri..terima kasih

[Rosita ak Mergie]

aku bisi udah enggau urang kus bahasa iban ba sibu taun nyin kemari. Kami bisi diberi bengkel chara2 ngaga keretas peresa sereta cara2 meri mark. Bisi ga aku ngambi chunto keretas peresa nya.

[Charles Bayang Albert Nyawin]

aku bisi udah enggau urang kus bahasa iban ba sibu taun nyin kemari. Kami bisi diberi bengkel chara2 ngaga keretas peresa sereta cara2 meri mark. Bisi ga aku ngambi chunto keretas peresa nya.

manah meh ..enti ulih download ditu cikgu..terima kasih..

[Timothy Salang ak James Anin]

Terima kasih PEngajar Rosita, anang nyimpan nya kediri tang kunsika enggai orang bukai. Terima kasih sekali agi ke sukung nuan

[Richard Boon]

tuk sekeda utai engka ulih dikungsi bala manyuh..enti dah bisi,ndak gak ngacau.

Pengajar Charles, terima kasih ke kereban ke dipekunsika nuan ditu. Tu mih siti chara kitai tau bekunsika kereban dikena ngajar tauka belajar, ari kitai ke ngenataika diri ngagai kus.

[Rosita ak Mergie]

bisi bup ke dikeluarka sida ppd Julau ianya "Kuang Kapong". Bup nya manah bendar dikena kitai ngajar bala nembiak. Mina siti aja penanggul laban bup nya mina bisi ba Julau aja. Nadai dijual ba endur bukai.... Sapa2 bisi bala ngajar ba area din, tau ga kita nanya enggau silik agi.

[Changgai Anak Beti]

aku bisi udah enggau urang kus bahasa iban ba sibu taun nyin kemari. Kami bisi diberi bengkel chara2 ngaga keretas peresa sereta cara2 meri mark. Bisi ga aku ngambi chunto keretas peresa nya.

Nikauka kami kitu chunto keretas peresa nya, pengajar. Aku lalu enda kala meda format keretas peresa subjek Jaku Iban.

[Rosita ak Mergie]

Terima kasih PEngajar Rosita, anang nyimpan nya kediri tang kunsika enggai orang bukai. Terima kasih sekali agi ke sukung nuan

anang irau pengajar Tim,... sama bela bekunsi2 mih kitai ngambika penemu kitai dalam siti-siti hal tau betambah

[Rosita ak Mergie]

PEPERIKSAAN SEMESTER 1

BAHASA IBAN
TAHUN 4

NAMA:   ________________________         MARK: __________
KELAS:  ________________________

Bagi A (20 mark)

Tulis karang dalam pemanjai enda kurang ari 80 leka jaku.

Pilih siti ari tiga iti topik karang di baruh tu.


1.   Tulis siti surat pekirum ngagai pengajar kelas nuan.  Padahka kebuah nuan enda ulih datai ke sekula ketegal sakit.

tauka

2.   Rumah Aku.

tauka

3.   Sambung karang di baruh tu awakka nyadi siti karang ti menyana.

Maya peremisi apin lama ti udah aku mai bala pangan aku nemuai ngagai rumah panjai aku di Ulu Yong.  Penyauh rumah panjai aku kira-kira lima puluh kilometer ari pasar Kapit. Pemanjai rumah aku...



____________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________

Bagi B ( 10 mark )
Bacha karang di baruh tu lalu saut tanya ti nangkan ka nya.

   Buah beguna bendar ke pengerai tubuh.  Iya bisi ngundan vitamin, gula enggau macham-macham pemakai bukai ti dikumbai nutrien.Vitamin ngetanka tubuh ari serang penyakit. Gula tau muai aus lalu meri pengering ke tubuh kitai. Nutrien bukai dikena ngeringka tulang enggagu ngeli.  Nambahkanya iya mega dikena ngaga tauka nyeruri gumpal isi.  Aki Maja bisi nanam mayuh macham buah. Diatu buah ke ditanam iya nya udah mansutka asil.  Sekeda ari asil nya dijual iya.  Buah laluh jual diempa sida sebilik enggau sekaban.  Sida Maja tetenguk bendar deka makai buah.  Nya alai lebuh musim buah raya Maja mai Ali, Ah Seng enggau Shanti nemuai ngagai kebun buah Aki iya.  Sekeda ari bansa buah ti bisi ba kebun nya, rian, temedak, langsat , sibau, empelam enggau langgir.  Sida sebala ulih makai mayuh bansa buah ke benung mansau. Tepantup bendar tenguk sida. 
          “ Uji seduai Ah Seng nulung masu buah empelam tu dulu. Aki deka bejual buah tu ke pasar lagi.” Ku  Maja madah soh Ali.
          “Au meh,” saut Ali.  Iya lalu nyengkau takin buah empelam. 
  “ Tulung suaka aku takin nya.”  Ku Ah Seng nganu Maja.


1.   Nama penguntung makai buah ?
a.   Beguna bendar ke penyigat gamal
b.   Beguna bendar ke pemanah tubuh
c.   Beguna bendar ke penyamai tubuh
d.   Beguna bendar ke pengerai tubuh


2.   Nama utai ti tau ngetankan tubuh ari serang penyakit ?
a.   vitamin
b.   gula
c.   nutrien
d.   asi

3.   Nama kebuah orang ngirup ai manis enti lebuh lelak ?
a.   ngeringka tulang enggau ngeli
b.   nyeruri gumpal isi
c.   meri pengering ngagai tubuh sereta muai aus
d.   ngetanka tubuh ari serang penyakit

4.   Nama kebuah sida Maja nemuai ngagai kebun buah aki iya?
a.   deka bejual buah
b.   deka makai vitamin
c.   tetenguk bendar deka nyual buah
d.   tetenguk bendar deka makai buah

5.   Ba runding nuan nama kebuah Maja ngasuh Ali seduai Ah Seng masu buah empelam?
a.   aki Maja deka makai buah empelam
b.   aki Maja deka nyual buah empelam
c.   aki Maja deka mai buah empelam pulai ke rumah
d.   aki Maja deka nyengkau takin buah empelam.







Bagi C ( 10 mark )

Bacha leka lagu di baruh tu.  Udahnya saut Tanya di baruh.

Aram kitai angkat sereta
Meresi rumah tiap hari
Nyamai dipeda ditimpai mata
Kelingi rumah chukup beresi

Rumah kitai manah gaya
Kitai semua rindu ati
Kaban datai engau ati gaga
Semua orang sama muji

Saut tanya tu.

1.   Nama utati ti diperesi dalam lagu di atas?
a.   rumah
b.   sekula
c.   padang
d.   bilik kelas

2.   Bakani gaya rumah enti kitai selalu meresi iya ?
a.   kamah
b.   lichin
c.   beresi
d.   temera

3.   Bakani asai ati kitai enti rumah kitai beresi ?
a.   rindu ati
b.   gaga
c.   begedi
d.   sombong

4.   Berapa kali kitai mesti meresi rumah kitai ?
a.   seminggu sekali
b.   sebulan sekali
c.   tiap-tiap hari
d.   dua  kali seminggu

5.   Kebuah ati kaban kitai gaga laban meda…
a.   pengerajin kitai meresi rumah
b.   pemanah sereta pemeresi rumah kitai
c.   kitai rindu nerima penatai sida
d.   ias rumah kitai manah



Bagi D (10 mark)

Isi lapang ngena jaku tanya di baruh tu.



Sapa   Nama      Kemaya   Berapa      Dini


1   ______________  alai nuan besekula?

2   _______________Kilometer penyauh rumah nuan ari sekula?

3   _______________ kitai begunaka granstand?

4   _______________ bida rumah panjai enggau rumah nyembuah?

5   ______________ tuai rumah kita?











Tipak jaku silup ba pitak A enggau reti iya ba pitak B.

       A                                    B

           Jaku silup                      Reti


1.   tuai bulu                anak mit ti baru ada   


2.   orang baru                tan ngelaban pemedis belanja


3.   baru lanjau                bisi penanggul ba



4.   anak umbung                baru angkat bujang



5.   pandak singkang             anak asi

[Changgai Anak Beti]

Terima kasih, Pengajar Rosita ke udah kiruh ngenataika peminta kami.

[Rosita ak Mergie]

sigi bakanya Pengajar Changgai, lebuh aku bisi kereban, bekunsi ga kitai.... Bisi maya ila aku download chunto keretas peresa kebukai

Advanced search