Jaku Iban Sekula Primari

[[Announcements] [Introduce Yourself] [ICT] [Prasekolah] [LINUS] [KSSR] [UPSR] [PMR] [SPM] [STPM] [School] [Classroom] [Clubs & Uniformed Bodies] [JPN] [SPA] [SICT] [SPP] [SPS] [SPPK] [SPSPK] [SPI] [SPsK] [JNJK] [PPD] [Program] [Computer & Internet] [Let's Hear It From You] [Membergroup]]

[Announcements] [Introduce Yourself] [ICT] [Prasekolah] [LINUS] [KSSR] [UPSR] [PMR] [SPM] [STPM] [School] [Classroom] [Clubs & Uniformed Bodies] [JPN] [SPA] [SICT] [SPP] [SPS] [SPPK] [SPSPK] [SPI] [SPsK] [JNJK] [PPD] [Program] [Computer & Internet] [Let's Hear It From You] [Membergroup]

[Wilter Hawell]

Terima kasih pengajar Timothy

[Jame Anap]

Terima kasih pengajar Timothy

Terima kasih pengajar Timothy ka tulung enggau sukung nuan dalam forum tu. Berasai gaga enggau lantang ati aku..bala ketuai dah ngempung bala sebuat bejurai ka penemu senentang jaku iban sekula primari. Anang nganti..tak mupuk meh kitai begadai-gadai. Terima kasih.

[Francis Juing]

   Geliga Ba Nembiak Sekula
Ni kita ka nembiak ke baka jengkak nengah geladak papan lekai,
Uji ngetu dulu bala kita ningaka seru jaku tuai,
Uji peratika kita atur kami lebuh ka rami makai lemai,
Uji dingaka jaku atur pengawa kami ka tuai,
Ngambika sempekat adat atur sekula lichin diguna kitai magang.

Ni kita ke nembiak ke jejengkak nengah geladak papan simpung,
Uji ngetu dulu kita bejaku nyampau di itung,
Uji dingaka sera nyawa jaku kelaung enggi bala Pengajar Anong,
Ka’ ngenang atur sempekat adat jaku karung,
Ngambika sekula kita di Nanga Spak matung,
Tau nyadika teladan undang-undang semua orang.

Aku ke bediri chegit-chegit
Ba mua kitai ke semuka duduk bekempit,
Tak begamal jegak-jegak bandung jegit,
Tau ga kita nyema ke aku ngagai sida jenawang Bujang Mit
Lebuh tembai  diasuh orang numbit pintu langit awakka tekinsit mindah kebukai.
Entang ke sahari tu aku dipaduka Kepala Pengajar Lagan apai Ujit,
Ngenang adat kitai ditu munggang mit,
Lak ke kita mit badu agi berani cherit-cherit munyi ngingit bemunyi lemai.

Aku ka bediri  rigang-rigang,
Ba moa kita nembiak ka jejengkak  berambau mansang,
Tau ga kita nyema ka gaya aku tu ngagai penyegak bujang tatau,
Lebuh ka agi biak neraka diau,
Niki makap nyengkayau tiang medang.
Tang ka enda laban aku dipadu ka Kepala Pengajar Lagan apai Galing,
Ngenang adat sempekat enggai ka tepelanting
Baka gasing ka tekuing gerah layang.

Kita  nembiak ke jejengkak apin mereti,
Anang sekali kita nerumpak serta enchuri,
Enggaika kita ditangkap polis gelang orang jari,
Simpan orang kita dalam kerungan rumah besi,
Semalam kita demam sakit ati,
Diberi sida polis kita makai bilis tiga kati,
Nya ke ngasuh kita pedis ngeli sakit gigi,
Seruran chirit beari-ari
Kena ngajar kita mengua’ anak asi,
Lak ke kita ngasi serta mereti bebasaka orang.

Ni kita, ke nembiak anak sangkung,
Kita ke betubuh bala mayuh bejung-jung,
Anang sekali kita belaya megai lungga ngedarka chandung,
Anang guai megai insap ruku apong,
Anang ngemetangka lempuang ngenyai ke jantung
Anang ngerugi sida mengua karung kerubung
Ke nyengulaka kita, deh berada anak umbung,
Tiap pagi enti hari manah sida nyembah getah nangkal nyelutung,
Ngiga belanja kena kita sekula meli baju tanchut putung
Meli ruti kerupuk jagung
Nyangka icha kita ila pandai dichunggai tunjuk ujung,
Gawa kita  nyadi kerani di nengeri opis Betong,
Tiap ujung bulan penama kembung
 Kita ila ngirum ke mengua karung kerubung
Perenchit ringgit wang raung,
Kena medung mampas tulang apai orang.
                  

ditengkebang Pengajar Langgie
SK Nanga Spak, Betong

[Harrison D. Langi]

Au... manah amat ga geluga Pengajar Langgie nya, Pengajar... Udah tau jadi lemambang. Ukai Pengajar Langgie Ngawat nya kini, Pengajar Francis?

[Francis Juing]

ya meh nya pengajar harrisson...ia nengkebang geliga tu lebuh maia kami kus jaku iban di betong urung bulan empat tu tadi.

[Jame Anap]

ya meh nya pengajar harrisson...ia nengkebang geliga tu lebuh maia kami kus jaku iban di betong urung bulan empat tu tadi.

Kami ba Limbang tak bedau bisi Kus Jaku Iban taun tu. Nadai JU Bahasa Iban ke ba siti-siti sitak ti uluh meri kus ngagai bala pengajar ba Limbang.

[Harrison D. Langi]

Au... Pengajar Langgie nih... kedua bali nama Apai Endu.. Kirum salam ngagai ia enti bisi betemu enggau ia, Pengajar Francis. Ia endang sigi ngaku jadi lemambang, landik bejaku.

[Francis Juing]

Au.. enti bisi betemu enggau ia, ila ku madah..

[Jame Anap]

Au... manah amat ga geluga Pengajar Langgie nya, Pengajar... Udah tau jadi lemambang. Ukai Pengajar Langgie Ngawat nya kini, Pengajar Francis?

Pengajar Bahasa Iban veteren endang sigi landik. Amat nya pengajar Harrison...jarang kitai tau ulih nyadi lemambang. Terima kasih.

[Timothy Salang ak James Anin]

Leka geliga ke ditempa sereta digaga enggau manah. Nya mih pekara ke deka diiri ke kitai ngagai nembiak kitai. Ukai kitai deka ngaga sida nyadi lemambang tang ngambika sida ulih ngena leka jaku / rambai jaku Iban ke pemadu engkeman. Terima kasih laban udah bekunsika leka geliga nya Pengajar Juing. Tau disimpan, diseruri sereta diseleti nuan dikena maya bisi pengawa ba rumah panjai nuan dudi hari ila.

[Jame Anap]

Leka geliga ke ditempa sereta digaga enggau manah. Nya mih pekara ke deka diiri ke kitai ngagai nembiak kitai. Ukai kitai deka ngaga sida nyadi lemambang tang ngambika sida ulih ngena leka jaku / rambai jaku Iban ke pemadu engkeman. Terima kasih laban udah bekunsika leka geliga nya Pengajar Juing. Tau disimpan, diseruri sereta diseleti nuan dikena maya bisi pengawa ba rumah panjai nuan dudi hari ila.

Terima kasih pengajar Timothy ke penerang nuan tu. Nya meh ke batang juluk ati kitai ngagai bala anembiak. Leka geliga tu mega tau kitai kena maya bisi pengawa ba rumah panjai. Terima kasih sekali agi ngagai bala semua.

[Francis Juing]

Leka geliga ke ditempa sereta digaga enggau manah. Nya mih pekara ke deka diiri ke kitai ngagai nembiak kitai. Ukai kitai deka ngaga sida nyadi lemambang tang ngambika sida ulih ngena leka jaku / rambai jaku Iban ke pemadu engkeman. Terima kasih laban udah bekunsika leka geliga nya Pengajar Juing. Tau disimpan, diseruri sereta diseleti nuan dikena maya bisi pengawa ba rumah panjai nuan dudi hari ila.

Terima kasih pengajar Tim..

[Harrison D. Langi]

Leka geliga ke ditempa sereta digaga enggau manah. Nya mih pekara ke deka diiri ke kitai ngagai nembiak kitai. Ukai kitai deka ngaga sida nyadi lemambang tang ngambika sida ulih ngena leka jaku / rambai jaku Iban ke pemadu engkeman. Terima kasih laban udah bekunsika leka geliga nya Pengajar Juing. Tau disimpan, diseruri sereta diseleti nuan dikena maya bisi pengawa ba rumah panjai nuan dudi hari ila.

Au, endang amat nya Pengajar Tim.  Tang manah agi enti kitai nemu tauka bisi seling sekeda ari leka main/geliga, bisi ke puku kitai ngajar ba kelas kelebih agi maya set induksi. Enda pia kini, Pengajar Tim?

[Jame Anap]

Au, endang amat nya Pengajar Tim.  Tang manah agi enti kitai nemu tauka bisi seling sekeda ari leka main/geliga, bisi ke puku kitai ngajar ba kelas kelebih agi maya set induksi. Enda pia kini, Pengajar Tim?

Endang amatnya pengajar Harrison..bisi nemu mimit pama meh. Tentu anembiak ba kelas rindu enti pengajar nemu leka main baka tu. Terima kasih.

[Jawa ak Pangau]

Terima kasih ka pengajar Juing enggau utai ka dipekunsi ka ditu alu terima kasih ka pengajar Langgie ari SK Ng. Sepak ka nengkebang leka geliga ditu.

[Timothy Salang ak James Anin]

Tau disimpan bala mayuh ngambika bisi dikena dudi hari ila sekalika dikena ba rumah panjai tauka dikena nyadika kereban belajar nembiak kitai.
Terima kasih

[Bunsu Bulan]

eh... ulih nyelepak mimit wai... bakani ka nyebut pembetulan dlm jaku ibn???

[Elvis Empawie Sela]

eh... ulih nyelepak mimit wai... bakani ka nyebut pembetulan dlm jaku ibn???

Pembetulan = pemetul
membuat pembetulan = ngaga pemetul

Chunto ayat; Nembiak, sehari tu kitai ngaga pemetul ngagai latih ke udah digaga kita kemari.

[Philip Michael]

Pembetulan = pemetul
membuat pembetulan = ngaga pemetul

Chunto ayat; Nembiak, sehari tu kitai ngaga pemetul ngagai latih ke udah digaga kita kemari.

Siti agi pengawa ti semak reti enggau jaku pembetulan enti dikalihka dalam jaku Iban iya nya seruri. Richards (1997) dalam An Iban-English Dictionary nerangka chara ngena leka jaku seruri. Nitih ku Richard, jaku seruri tu dikena besempulang enggau jaku atap,  pukat enggau ulah. Chunto ngena  iya baka ba baruh tu;

1  Iya benung nyeruri jala.
    He is repairing his cast-net.
2  Iya enggai nyeruri ulah iya.
    He won't mend his way.

Taja pan jaku seruri tu enda nyemetak bendar munyi iya enggau 'pembetulan' dalam jaku Bahasa Melayu, tang iya ulih dikerembaika kitai ngerungkup pengawa nya.

Chunto;
Nembiak benung nyeruri latih sida

Terima kasih

[Harrison D. Langi]

Siti agi pengawa ti semak reti enggau jaku pembetulan enti dikalihka dalam jaku Iban iya nya seruri. Richards (1997) dalam An Iban-English Dictionary nerangka chara ngena leka jaku seruri. Nitih ku Richard, jaku seruri tu dikena besempulang enggau jaku atap,  pukat enggau ulah. Chunto ngena  iya baka ba baruh tu;

1  Iya benung nyeruri jala.
    He is repairing his cast-net.
2  Iya enggai nyeruri ulah iya.
    He won't mend his way.

Taja pan jaku seruri tu enda nyemetak bendar munyi iya enggau 'pembetulan' dalam jaku Bahasa Melayu, tang iya ulih dikerembaika kitai ngerungkup pengawa nya.

Chunto;
Nembiak benung nyeruri latih sida

Terima kasih

Au... setuju ga aku enggau jaku nyeruri (seruri) nya, pengajar.

Advanced search